潘一帆 編撰 崔 通——麥炳榮 張翠鸞——鳳凰女 旦:【雙星恨】佢命苦向我陳詞,遇到荒年義母死,唉!老者要維持,風災碎了漁船,貧寒兩相依(白:你話佢哋幾慘呢又!) 生:聽罷,聽罷佢遭遇,傷心偷偷怨句,悲燕侶 旦:燕侶一朝分離,佢望到金榜掛名時,佢便接夫君決絕詞 生:我實覺心驚暗詫異 旦:佢夫悔婚寒盟把弱女欺 生:是誰冒撰休書 旦:(白:退婚非同小可,哪有人敢冒撰休書呢?貴人,你何必替薄倖郎強辯啊!)佢傷心夫君棄妻子,忍看朝晚落淚,嘆薄命。賦仳離,偷怨夫退婚有心背誓詞,他再婚更愿賠償錢銀賣再作嫁粧衣。 生:(白:笑話!想我高中狀元之后,曾命人帶家書回里,何償有賠錢退婚呢?顯見你一片胡言,莫非你受人主使,欲施離間之計啩?) 旦:(哦!乜原來你就係翠鸞嘅未婚夫,同時又係慶親王嘅未來妹夫,玉梅郡主果位未來郡馬嚊!哼!所謂欲要人不知,除非己莫為!你,你又何必惺惺作態呢?) 生:你切勿玷辱我聲譽,我本應歸家去矣,數次有意上稟親王,為了歸鄉賦齊眉,遇佢妹妹眼另垂,被強逼我入贅,我嬌妻早訂婚,誓難另娶,何曾愿棄妻子。 旦:(白:哼!狀元郎,你若非見異思遷,早應榮歸故里啊,你知否薄命翠鸞,為你秋水望穿,更為你產下個女兒) 生:(白:嚇!佢同我生咗個女啊,估不到一夕纏綿,珠胎暗結,咦咦!棲霜,你為何落淚啊?) 旦:(白:天妒紅顏,做女人嘅邊個唔同情女人,提起翠鸞嘅遭遇,我寧不傷心下淚呢又)依稀記得佢飲泣訴恨詞,你哋在廟前共證盟誓詞,可笑你巧借西廂記,佢對君勉勵詞,更望君有日榮歸耀門楣。 生:我借西廂偷偷示意,我與阿嬌雙雙蜜語,共證三生于廟宇,佢待我情義處,令我感恩盡矣,(白:憶昔我倆廟盟之事,除卻伯父一人,更無別個知曉,緣何棲霜佢盡知詳細呢?啊!莫非佢就是我嘅翠鸞妻?翠鸞妻,一夜夫妻百夜恩,今日有幸相逢,緣何閃避呢?) 旦:(白:翠鸞妻?哼!誰是你翠鸞妻,雖知人有相似,貴人,你何故將棲霜當作翠鸞㗎!貴人,)我是個鄉村女,已賣作官家婢,請你休要多注視。 生:你不應婉拒,好應相對,休要將我再避 旦:切莫切莫錯將婢女認是你妻,狀元是配金枝(白:哼!你唔使貓哭老鼠假慈悲啦,未來郡馬爺)
我来也[呲牙]
就我一个人欣赏而已嘛
还有我